چنیوٹ کے قبرستان میں مردوں کی چوری

چنیوٹ کی تحصیل بھوانا کے قبرستان میں قبروں کی بے حرمتی اور مردوں کی چوری کا انکشاف ہوا ہے۔

تحصیل بھوانا کے قبرستان کالوتُنگ کی دیکھ بھال پر مامور باباملنگ کا کہنا ہے کہ کچھ عرصے سے نامعلوم افراد نے قبروں کی کھدائی کرکے مردے غائب کرنے شروع کردیے ہیں۔

مقامی لوگوں کا کہنا ہے کہ انہوں نے کئی بار ضلعی حکومت کو اس بارے میں آگاہ کیا مگر کوئی نوٹس نہیں لیا گیا۔ قبرستان میں جگہ جگہ گڑھے اور کھدائی کے نشانات سے علاقے میں خوف وہراس پایا جاتا ہے۔