رمیز راجہ نے ٹھیک کہا پاکستانی قوم حیرت انگیز ہے: مومنہ مستحسن

03 اپریل ، 2021

شائقین کرکٹ کی طرح مقبول ترین گلوکارہ مومنہ مستحسن بھی جنوبی افریقا کے خلاف ون ڈے میچ میں پاکستان کی جیت پر بےحد خوش ہیں۔

مومنہ مستحسن نے سماجی رابطے کی ویب سائٹ ٹوئٹر پر اپنے پیغام میں لکھا کہ ’پاکستان اور جنوبی افریقا کا پہلا ون ڈے میچ واقعی میں بےحد شاندار تھا۔‘

گلوکارہ نے لکھا کہ ’جنوبی افریقا نے اچھا کھیلا جبکہ پاکستانی ٹیم کو فتح پر بہت بہت مبارک ہو۔‘

اُنہوں نے سابق کرکٹر و کمنٹیٹر رمیز راجہ کی کمینٹری کا حوالہ دیتے ہوئے لکھا کہ ’رمیز راجہ نے بالکل ٹھیک ہی کہا تھا کہ پاکستانی قوم ایک حیرت انگیز قوم ہے جو آپ کو کسی بھی موقع پر سرپرائز دے سکتی ہے۔‘

واضح رہے کہ پاکستان نے 3 ایک روزہ میچز کی سیریز کے پہلے مقابلے میں جنوبی افریقا کو 3 وکٹ سے شکست دی۔