آپ آف لائن ہیں
جمعہ3؍رمضان المبارک 1442ھ 16؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ریکھا نے شادی شدہ مرد سے محبت کے سوال پر میزبان کی بولتی بند کردی

بالی ووڈ کی سینئر اداکارہ  ریکھا نے شادی شدہ مرد سے محبت کے سوال پر شو کے میزبان کو لاجواب کرکے سب کی بولتی بند کردی۔

بھارت کے مقبول ترین شو ’انڈین آئیڈیل‘ کے میزبان  جے بھنوشالی دورانِ پروگرام مقابلے کے ایک کنٹسٹنٹ سے مذاق کررہے تھے کہ اچانک اُنہوں نے شو کے ججز ریکھا اور نیہا ککڑ سے مخاطب ہوتے ہوئے کہا کہ ’ریکھا جی، نیہا جی! کیا آپ نے کسی عورت کو ایک ایسے مرد کی محبت میں پاگل ہوتے ہوئے دیکھا ہے جو پہلے سے شادی شدہ ہو؟‘

میزبان کے اس سوال پر ریکھا نے فوری اپنا ردعمل دیتے ہوئے کہا کہ ’ادھر! مجھ سے پوچھیے۔‘

ریکھا کے فوری ردعمل پر ناصرف وہاں موجود شو کے ججز حیران ہوئے بلکہ میزبان بھی لاجواب ہوگیا۔

جب ریکھا نے سب کے حیران چہرے دیکھے تو اُنہوں نے فوراََ اپنا بیان بدل دیا اور کہا کہ ’نہیں! میں نے کچھ نہیں کہا۔‘

ریکھا کے بدلتے بیان پر میزبان نے لاجواب ہوتے ہوئے کہا کہ ’یہ لگا چھکا‘ جس پر وہاں موجود تمام حاضرین قہقہے لگانے لگے۔

خیال رہے کہ بالی ووڈ کی سینئر اداکارہ ریکھا کی لیجنڈری اداکار امیتابھ بچپن سے محبت کے بارے میں ہر ایک کو ہی علم ہے جبکہ ریکھا نے تو امیتابھ اور جیا بچن کی شادی کے بعد بھی کئی مواقع پر اداکار سے اپنی محبت کا اظہار کیا۔

ماضی میں ریکھا اور امیتابھ بچن نے بہت سی مشہور بھارتی فلموں میں ایک ساتھ کام کیا ہے اور اُن کی جوڑی کو مداحوں کی جانب سے بے حد پسند کیا جاتا تھا۔

اِن کی مشہور فلموں میں’مسٹر نٹور لال‘، ’مقدرکا سکندر‘، ’نمک حرام‘، ’دو انجانے‘، ’خون پسینہ اور سلسلہ‘ اور دیگر فلمیں شامل ہیں۔

انٹرٹینمنٹ سے مزید