فرمان الہی
نماز کے اوقات
سکھر (بیورورپورٹ ) پیپلزپارٹی کے چیئرمین بلاول بھٹو زرداری نے پارٹی رہنمائوں اور کارکنان کو خبردار کردیا کہ کورونا کی تیسری لہر خطرناک ہے۔ ویکسین لگوائیں میں نے صدر آصف علی زرداری کو بڑی مشکل راضی کیا اور انہوں نے ویکسین کا پہلا ڈوز لگوالیا ہے۔ میں پیپلزپارٹی کے تمام رہنمائوں اور کارکنان سے اپیل کرتا ہوں کہ وہ اپنی صحت کا خیال رکھیں اور خاص طور 50 سال سے زائد عمر کے افراد اپنے آپ کو کورونا وائرس کی ویکسین لگوائیں، کارکن اپنے بزرگوں کی کورونا ویکسین کیلئے رجسٹریشن کروائیں سکھر ، لاڑکانہ اور دیگر شہروں میں ویکسین لگائی جارہی ہے۔ نوڈیرو میں برسی کی تقریب سے خطاب میں نے مختصر اجتماع کے باوجود کارکنان سے کہا کہ میں دیکھ رہا ہوں آپ نے سماجی فاصلے کا خیال نہیں رکھا ایسا نہ کریں احتیاط کریں ہمیں اس کا مقابلہ کرنا ہے، ماسک کا استعمال کریں اور سماجی فاصلہ رکھیں اور اس کے ساتھ خاص طور پر ویکسین لگوائی جائے۔
