• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور پولیس کا سرچ آپریشن، 10مشتبہ افراد گرفتار

میرا شہر
پشاور
06 اپریل ، 2021
پشاور( کرائم رپورٹر) کیپٹل سٹی پولیس پشاورنے امن کی فضاء برقراررکھنے کے لئے نواحی علاقوںمیں سرچ آپریشن کرتے ہوئے 10مشتبہ افراد کو گرفتار کرکے بھاری اسلحہ برآمد کر لیا ۔ پشاور پولیس نے شہر میں امن و امان کے قیام کی خاطر شہر کے نواحی علاقوں متھرا اور متنی میں ٹارگٹڈ سرچ اینڈ سٹرائیک آپریشن کیاہے،خفیہ اطلاعات پر ہونے والے آپریشن میں پاک آرمی اور لیڈیز پولیس سمیت بی ڈی یو اور سنیفز ڈاگز ٹیموں نے بھی حصہ لیا جس کے دوران سماج دشمن سرگرمیوں اور دیگر جرائم میں ملوث ملزمان کو خصوصی طور پر نشانہ بنایا گیا ہے جس کے دوران مجموعی طور پر 10 ملزمان کو پولیس حراست میں لیا گیا ہے، جس کے دوران ایس ایچ او تھانہ متھرا تیمور سلیم نے تین ملزمان لعل زمان ،مسافر اور وسیم کو گرفتار کرکے ان کے قبضے سے ایک عد د کلاشنکوف ،چار عدد بندوق ،دو عدد رائفل اور ایک عدد پستول جبکہ ایس ایچ او تھانہ متنی بسم اللہ جان نے 6ملزمان اسم دین ،ابراہیم ،گل نواز ،خاطر نواز ،محمد عارف اور یاسین کو گرفتار کر کے ایک عدد کلاشنکوف ،تین بندوق ،دو رائفل اور تین عدد پستول برآمد کرلیے ہیں، ملزمان کے خلاف مقدمات درج کر کے جانچ پڑتال کی خاطر دیگر اداروں سے بھی رابطہ کر لیا گیا ہے اسی طرح ایس ایچ او تھانہ تہکال سجاداحمد نے بھی تہکال کی حدود میں زیارت گل ولد سید گل نامی شخص کو گرفتار کر کے ایک عدد کلاشنکوف برآمد کرلی ہے ۔
تازہ ترین