فرمان الہی
نماز کے اوقات
وفاقی وزیر داخلہ شیخ رشید نے استفسار کیا ہے کہ ’کونسی پی ڈی ایم؟ کیسی پی ڈی ایم؟‘ میں تو پہلے ہی ان کی موت کی پیشگوئی کرچکا تھا۔
عوامی نیشنل پارٹی کے پی ڈی ایم سے علیحدگی کے اعلان پر جیو نیوز سے گفتگو میں شیخ رشید نے کہا کہ میں نے تو پہلے ہی کہا تھا پی ڈی ایم اپنی موت آپ مرے گی۔
انہوں نے کہا کہ اپوزیشن جماعتوں کا یہ اتحاد وزیراعظم عمران خان کا کچھ بھی نہیں بگاڑ سکا۔
وزیر داخلہ نے مزید کہا کہ پی ڈی ایم کے پاس اب رہ کیا گیا ہے؟ یہ سب ٹائیں ٹائیں فش ہوگئے ہیں۔
اُن کا کہنا تھا کہ پی ڈی ایم میں اب ایک دو نشستوں والی جماعتیں رہ گئی ہیں۔
