نوشین افتخار نے ووٹ ڈالا، اپنے پولنگ ایجنٹ سے سوال کر دیا

حلقہ این اے 75 میں مسلم لیگ نون کی امیدوار نوشین افتخار نے اپنا ووٹ کاسٹ کر دیا، جب کہ اس وقت دلچسپ صورتِ حال پیدا ہو گئی جب انہوں نے اپنے ہی پولنگ ایجنٹ پر سوال داغ دیا۔

ڈسکہ: این اے 75 میں ضمنی انتخاب کیلئے پولنگ

سیالکوٹ کے قومی اسمبلی کے حلقے این اے 75 ڈسکہ میں ضمنی انتخاب کے سلسلے میں پولنگ کا آغاز ہو گیا، پولنگ آج صبح 8 سے شام 5 بجے تک جاری رہے گی۔

نوشین افتخار کا ووٹ کاسٹ کرنے کے موقع پر کہنا تھا کہ خواتین ووٹرز سے بدتمیزی کی جا رہی ہے۔

نوشین افتخار نے پولنگ اسٹیشن نمبر 344 کے دورے کے موقع پر اپنے ہی پولنگ ایجنٹ سے سوال کر لیا کہ آپ کہاں سے ہیں جی؟

جس پر پولنگ ایجنٹ نے نوشین افتخار کو جواب دیا کہ میں آپ ہی کا پولنگ ایجنٹ ہوں۔

اس سوال و جواب پر کارکنان کے قہقہے بلند ہوئے۔