جسٹس فائز عیسیٰ نے توہین عدالت کی درخواستوں کا معاملہ پھر اٹھادیا
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جسٹس فائز عیسیٰ نے توہین عدالت کی درخواستوں کا معاملہ پھر اٹھادیا


سپریم کورٹ کے جسٹس قاضی فائز عیسیٰ نے توہین عدالت کی درخواستیں سماعت کیلئے مقرر نہ کرنے کا معاملہ پھر اٹھادیا۔

جسٹس فائز عیسیٰ نے استفسار کیا کہ توہین عدالت کی درخواستیں سماعت کے لیے کیوں مقرر نہیں ہوئیں؟، کیا سپریم کورٹ رجسٹرار کی مرہون منت ہے؟

انہوں نے رجسٹرار سپریم کورٹ کی جانب سے توہین عدالت کی درخواستیں سماعت کے لیے مقرر نہ کرنے کا معاملہ اٹھایا، جسٹس عمر عطا بندیال نے انہیں کل دلائل دینے کی ہدایت کردی۔


سرینا عیسیٰ نے کہا کہ فواد چوہدری نے عدالت کو اسکینڈلائز کیا، لیکن کوئی کارروائی نہیں ہوئی۔

انہوں نے مزید کہا کہ یوسف رضا گیلانی و دیگر سیاسی جماعتوں کے رہنماؤں کی توہین عدالت کی سزائیں سنائی گئیں۔

بینچ کے سربراہ جسٹس عمرعطا بندیال نے جسٹس فائز عیسیٰ کو کل دلائل دینے کی ہدایت کرتے ہوئے کہا کل نظرثانی کیس سنیں گے تب تک باقی درخواستیں بھی مقرر ہوجائیں گی۔

قومی خبریں سے مزید