فرمان الہی
نماز کے اوقات
اسلام آباد (نمائندہ جنگ) سابق وزیراعظم نواز شریف ، مریم نواز اور کیپٹن ریٹائرڈ صفدر کی احتساب عدالت سے نیب ریفرنس میں سزائوں کیخلاف اسلام آباد ہائی کورٹ میں دائر اپیلیں 28 اپریل کو سماعت کیلئے مقرر کر دی گئی ہیں۔ جسٹس عامر فاروق اور جسٹس محسن اختر کیانی پر مشتمل ڈویژن بنچ تمام اپیلوں کو یکجا کر کے سماعت کرے گا،اسلام آباد ہائی کورٹ کے رجسٹرار آفس کی جانب سے جاری کاز لسٹ کے مطابق نواز شریف کی ایون فیلڈ اپارٹمنٹ اور العزیزیہ سٹیل ملز ریفرنس میں احتساب عدالت سے سزائوں کے خلاف اپیلیں 28 اپریل کو سماعت کے لئے مقرر کی گئی ہیں، فلیگ شپ ریفرنس میں نواز شریف کی احتساب عدالت سے بریت اور العزیزیہ سٹیل ملز ریفرنس میں سزا بڑھانے کی نیب اپیلیں بھی ساتھ سنی جائیں گی۔
