بھارتی اداکارہ کو ’فیشل‘ کرانا مہنگا پڑگیا

اداکارہ رائزہ کو فیشل کرانے کے بعد آنکھوں کے نیچے سوجن ہوگئی ہے جس کے باعث انہیں پہچاننا مشکل ہوگیا ہے جبکہ اداکارہ نے خود ہی سوشل میڈیا پر اپنے ساتھ پیش آنے والے واقعے سے پردہ اٹھایا ہے اور اپنی تصویر بھی پوسٹ کی ہے۔

بھارتی اداکارہ نے ڈاکٹر کا نام لیتے ہوئے بتایا کہ گزشتہ روز ڈاکٹر بھیرہ کے پاس سادہ فیشل کرانے گئی تھی لیکن انہوں نے مجھے زبردستی ایک پروسیجر کرانے کا کہا جس کی ضرورت نہیں تھی۔

اداکارہ نے کہا کہ اس پروسیجر کے نتیجے میں آنکھوں کے نیچے سوجن ہوگئی ہے اور اس صورتحال کے بعد ڈاکٹر نے بھی ملنے سے منع کردیا ہے جبکہ ان کے اسٹاف کا کہنا ہے کہ ڈاکٹر شہر سے باہر ہیں۔

رائزہ ولسن نے بتایا کہ ڈاکٹر کے خلاف پوسٹ کرنے کے بعد ان کی وجہ سے اس طرح کی پریشانی اٹھانے والے لوگوں کے میسجز سے ان باکس بھر گیا ہے۔