فرمان الہی
نماز کے اوقات
لاہور(خصوصی نمائندہ)مسلم لیگ(ن) کے صدر و قائد حزب اختلاف محمد شہباز شریف نے عوام، پارٹی کارکنان اور رہنمائوں سے اظہار تشکرکرتے ہوئے کہا ہے کہ ﷲ تعالی کا جتنا شکر ادا کروں وہ کم ہے جس نے ایک بار پھر ہمیں سرخرو فرمایا اور سچائی کو عیاں کر دکھایا انہوں نے صدر ن لیگ کی کورونا کی شدید لہر میں لوگوں کو گھروں تک محدود رہنے کی اپیل بھی کی۔ اپنے بیان میں انہوں نے کہا کہ آپ کی دعائوں، محبتوں اور حمایت پر تہہ دل سے شکریہ ادا کرتا ہوں ، آپ کی محبتوں سے بڑا میرے لئے کوئی اثاثہ نہیں، ﷲ تعالی کا شکر ادا کرتا ہوں کہ آپ جیسے مخلص، نظریاتی اور وفاشعار ساتھیوں کا ساتھ ملا ،میں اپنی بہنوں اور بیٹیوں کا بھی خاص طور پر شکریہ ادا کرتا ہوں جنہوں نے کمال جرات اور دلیری سے ہمیشہ قیادت اور پارٹی کی حمایت کی ،کورونا کی شدید لہر میں آپ سے درخواست ہے کہ فی الحال خود کو گھروں تک محدود کریں،آپ سب سے التجا ہے کہ موجودہ سنگین حالات میں اپنی اور اپنے پیاروں کی زندگیوں کو محفوظ بنانے کو یقینی بنائیں ، ﷲ تعالی آپ سب سمیت پوری قوم اور انسانیت پر رحم فرمائے اور ان مصائب سے بھرے ایام سے ہمیں نجات دے۔
