اچھی چیزوں کی ابتداء ہونے میں دیر نہیں ہوتی، شعیب اختر کا سوارا بھاسکر کیلئے پیغام

26 اپریل ، 2021

قومی کرکٹ ٹیم کے سابق فاسٹ بالر شعیب اختر نے بھارتی اداکارہ سوارا بھاسکر کو پاکستانیوں کے ہمدردانہ رویئے سے متاثر ہونے پر خصوصی پیغام دیا ہے۔

قومی کرکٹ ٹیم کے سابق فاسٹ بالر شعیب اختر نے سوشل میڈیا سائٹ ٹوئٹر پر بھارتی اداکارہ سوارا بھاسکر کے ٹوئٹ کا جواب دیتے ہوئے لکھا کہ ’اچھی چیزوں کی ابتداء ہونے میں بہت زیادہ دیر نہیں ہوتی، شاید یہ اس کا آغاز ہے۔‘

انہوں نے مزید لکھا کہ ’مشکلیں لوگوں کو قریب کرتی ہیں۔‘

واضح رہے کہ بھارتی اداکارہ سوارا بھاسکر نے سوشل میڈیا سائٹ ٹوئٹر پر بھارتی میڈیا کی جانب سے مسلسل ہونے والے پاکستان مخالف پروپیگنڈے کے باوجود بھی کورونا وائرس میں شدت اور آکسیجن کی کمی کی صورتحال میں پاکستانیوں کے بھارتی عوام کے لیے ہمدردانہ پیغامات پرشکریہ ادا کیا تھا۔

کھیلوں کی خبریں سے مزید