فرمان الہی
نماز کے اوقات
وزیراعظم عمران خان نے کہا ہے کہ کبھی شہباز شریف اور عثمان بزدار کا موازنہ تو کریں کہ دونوں نے اپنے ڈھائی سالوں میں کیا کیا، خدمت جانچنا ہے تو یہ دیکھیں کس نے کمزور طبقے کی مدد کی اور کس نے صرف پبلسٹی پر خرچ کیا۔
ملتان میں ترقیاتی منصوبوں کا سنگِ بنیاد رکھنے کی تقریب سے خطاب کرتے ہوئے وزیر اعظم عمران خان نے کہا کہ ایسا آدمی لانا چاہتا تھا جس کا جینا مرنا پاکستان کے ساتھ ہو، مجھے ایسا آدمی چاہیے تھا جسے چھٹیوں کے لیے لندن نہ جانا پڑے۔
عمران خان نے کہا کہ عثمان بزدار نے زبردست کام کیا ہے، عثمان بزدار پنجاب کے میرے وژن کو پائے تکمیل تک پہنچا رہے ہیں۔
انہوں نے کہا کہ عوام کو بتانا چاہتا ہوں کہ عثمان بزدار کو کیوں وزیراعلیٰ منتخب کیا، وزیراعلیٰ عثمان بزدار پر میڈیا پر تنقید ہوتی ہے، مجھ سے کم ہوتی ہے مگر ہوتی ہے۔
وزیراعظم نے کہا کہ کمپین چلتی ہے کہ عثمان بزدار وزیراعلیٰ کی اہلیت نہیں رکھتے، ڈھائی سال پہلے بالی ووڈ کا ایکٹر بوٹ پہن کر کھڑا ہوتا تھا، ڈھائی سال کا موازنہ کریں آپ نے کیا کیا اور عثمان نے کیا کیا۔
عمران خان نے کہا کہ لندن کے مہنگے علاقوں میں ان لوگوں نے محلات لئے ہوئے ہیں، جبکہ لندن کے وزیراعظم کے پاس مہنگے علاقوں میں رہنے کیلئے پیسہ نہیں ہے۔
