اداکارہ ٹوئنکل کھنہ نے آکسیجن خرید کر عطیہ کرنے کی اپیل کردی

04 مئی ، 2021

مصنفہ اور سابق اداکارہ ٹوئنکل کھنہ نے ایک پیغام شیئر کرتے ہوئے اپنے پرستاروں پر زور دیا ہے کہ وہ کورونا وائرس کے مریضوں کے لیے آکسیجن سپلائز خرید کر اسے عطیہ کریں۔

ٹوئنکل اور انکے شوہر معروف بالی ووڈ اداکار اکشے کمار نے حال ہی میں آکسی جن کنسنٹریٹرز خرید کر عطیہ کیے ہیں۔

منگل کو انھوں نے لوگوں سے کہا کہ وہ اجتماعی طور پر آکسیجن کنسنٹریٹرز خرید کر عطیہ کریں۔

اپنے انسٹا گرام پر ایک ویڈیو شیئر کرتے ہوئے ٹوئنکل نے کہا کہ میرے دن کا آغاز صبح ساڑھے چھ بجے ہوتا ہے، اس دوران میری اسکول کی ایک دوست کا پیغام آیا کہ وہ اپنی دادی کے لیے آکسیجن سلنڈر کی تلاش میں ہے۔

ٹوئنکل کا کہنا ہے کہ پورے ملک میں تمام دوست، رشتہ دار اور انجانے افراد آکسیجن کی تلاش میں مارے مارے پھر رہے ہیں۔ یہ وہ حالات ہیں جس کے لیے ہمیں آگے آنا ہوگا، لوگوں کی مدد کی اپیل کو ان سنے نہیں جانے دینا ہے۔

یہ بھی پڑھیے

انھوں نے کہا کہ زندگی کے مختلف شعبوں سے تعلق رکھنے والے لوگ ادویات، آکسیجن اور اسپتال کے بستروں کا انتظام کررہے ہیں وہ انجانے ہیں اور امکان ہے کہ کبھی ان سے نہیں ملیں ہونگے انکا مجھ سے یا آپ سے کوئی واسطہ نہیں بس ہمیں اجتماعی طور پر کچھ کرنا ہے۔ اور ہاں یہ مشکل وقت ہے لیکن تھوڑا تھوڑا کرکے یہ بہت ہوجائے گا۔

تازہ ترین