کراچی: لیاری میں دکانیں بند کرانے پر دکانداروں کا احتجاج

لیاری کلاکوٹ میں دکانیں بند کرانے پر دکانداروں نے تھانے کے باہر احتجاج کیا۔

مظاہرین کا کہنا ہے کہ کاروبار کے وقت دکانیں بند کرائی جارہی ہیں، جبکہ پولیس نے کہا ہے کہ کورونا ایس او پیز پر عملدرآمد کرانے کے لیے دکانیں بند کرائیں۔

دکانداروں اور پولیس کے درمیان مذاکرات کامیاب ہو گئے اور مظاہرین نے احتجاج ختم کردیا۔

پولیس کا کہنا تھا کہ مظاہرین پر امن طور پر تھانے کے باہر سے منتشر ہوگئے۔