ہرارے: عابد علی کے زور دار اسٹروک پر زمبابوے کے کھلاڑی کائیا زخمی

پاکستان کرکٹ ٹیم کے نوجوان بیٹسمین عابد علی کے زوردار اسٹروک پر زمبابوے کے کھلاڑی کائیا زخمی ہوگئے۔

ہرارے میں کھلیے جانے والے دوسرے ٹیسٹ کے دوران عابد علی کے شارٹ کی گیند شارٹ لیگ پر فیلڈنگ کرنے والے کائیا کی ران پر لگی۔

جس کے بعد  کائیا کو اسٹریچر پر میدان سے باہر لے جایا گیا۔

زمبابوے کے خلاف دوسرے ٹیسٹ میں اظہرعلی کی سنچری

پاکستان کرکٹ ٹیم کے بلے باز اظہرعلی نے ٹیسٹ کیرئیرکی 18ویں سنچری اسکور کی۔

اس سے قبل زمبابوے کے خلاف ہرارے ٹیسٹ میں پاکستان نے ٹاس جیت کر بیٹنگ کا فیصلہ کیا، اوپنر عمران بٹ کے 2 رن پر آؤٹ ہونے کے بعد عابد علی اور اظہر علی نے محتاط انداز میں کھیلنے کا مظاہرہ کیا اور اسکور کو آگے بڑھایا۔

اس دوران اظہر علی نے اپنے کیریئر کی اٹھارویں سنچری اسکور کی۔ جبکہ عابد علی نے بھی ان کا بھرپور ساتھ دیا۔

پاکستان کی جانب سے 36 سالہ تابش خان کو ٹیسٹ کیپ دی گئی ہے انہیں فہیم اشرف کی جگہ ٹیم میں شامل کیا گیا ہے۔