صدر عارف علوی کی گورنر بلوچستان سے اہم ملاقات

10 مئی ، 2021

صدر مملکت ڈاکٹر عارف علوی نے گورنر بلوچستان امان اللّٰہ یاسین زئی سے ملاقات کی ہے۔

اسلام آباد سے جاری بیان کے مطابق صدر مملکت نے گورنر بلوچستان سے گورنر ہاؤس سندھ میں ملاقات کی۔

ڈاکٹر عارف علوی اور امان اللّٰہ یاسین زئی کی ملاقات میں ملکی سیاسی صورتحال، بلوچستان میں وفاقی حکومت کے ترقیاتی منصوبوں پر تبادلہ خیال کیا گیا۔

یہ بھی پڑھیے

اس موقع پر صدر مملکت نے کہاکہ بلوچستان کو ماضی کی حکومتوں میں نظر انداز کیا گیا، پی ٹی آئی حکومت میں ایسا ہرگز نہیں ہوگا۔

انہوں نے کہا کہ وفاقی اور صوبائی حکومت نے بلوچستان کی معاشی اور سماجی ترقی کے لئے کئی بڑے منصوبے شروع کیے ہیں۔

صدر عارف علوی نے مزید کہاکہ سی پیک منصوبوں اور گوادر بندرگاہ سے صوبے کی قسمت بدلے گی، ترقیاتی منصوبوں سے بلوچستان کے نوجوانوں کو روزگار میسر آئے گا۔

یاد رہے کہ چند دن قبل وزیراعظم عمران خان نے گورنر بلوچستان کو خط لکھا تھا، جس میں ان سے مستعفی ہونے کا کہا تھا۔

تازہ ترین

الیانا ڈی کروز کی اپنی خفیہ شادی پر لب کشائی