بلوچستان: لورالائی میں 2 گروہوں میں فائرنگ، 2 افراد جاں بحق

بلوچستان کے ضلع لورالائی کے علاقے میختر میں 2 گروہوں میں فائرنگ سے 2 افراد جاں بحق ہوگئے۔

لیویز ذرائع کے مطابق لورالائی کے علاقے میختر میں2 گروہوں کے درمیان مویشی چرانے کے تنازعے پر جھگڑے میں گولی چل گئی۔

ذرائع کے مطابق فائرنگ سے دو افراد دولت خان اور احمد جان جاں بحق ہوگئے۔

لیویز حکام نے موقع پر پہنچ کر فائرنگ رکوائی اور حالات پر قابو پایا۔