مسجد اقصیٰ پر اسرائیلی حملے، عالمی ضمیر خاموش تماشائی بنا ہوا ہے، سراج الحق

امیر جماعت اسلامی پاکستان سراج الحق نے کہا ہے کہ مسجد اقصیٰ پر اسرائیلی حملوں پر عالمی ضمیر خاموش تماشائی بنا ہوا ہے۔

لاہور سے جاری بیان میں سراج الحق نے کہا کہ مسجد اقصیٰ مسلمانوں کا مقدس ترین مقام اور قبلہ اول ہے۔

انہوں نے مزید کہاکہ رمضان المبارک میں جمعۃ الوداع سے جاری نمازیوں پر اسرائیلی فوج کے حملے قابل مذمت ہیں۔

سراج الحق نے یہ بھی کہا کہ اسرائیلی حملوں پر عالمی ضمیر خاموش تماشائی بنا ہوا ہے۔

اُن کا کہنا تھا کہ عالمی ادارے اسرائیل کو پرتشدد کارروائیوں سے روکنے کے لیے اقدامات کریں۔