برطانوی وزیراعظم بورس جانسن نے غزہ میں کشیدگی ختم کرنے کا مطالبہ کردیا۔
خبر ایجنسی کے مطابق بورس جانسن نے کہا کہ اسرائیل، فلسطین میں پرتشدد کارروائیوں پر بے حد افسوس ہے، اسرائیل، فلسطین میں انتقامی کارروائیوں کو بند ہونا چاہیے۔
بورس جانسن نے کہا کہ فریقین بات چیت سے مسائل کو حل کریں۔
غزہ پر اسرائیلی حملے کے باعث برطانوی ایئرلائن کی اسرائیل کے لیے پروازیں منسوخ کر دی گئیں۔
اس سے قبل غزہ پر اسرائیلی حملوں کے باعث امریکا کی 3 ایئر لائنز بھی اسرائیل کے لیے اپنی پروازیں منسوخ کر چکی ہیں۔
واضح رہے کہ غزہ میں اسرائیلی جارحیت کا سلسلہ جاری ہے، فلسطینی حکام کے مطابق اسرائیلی حملوں میں شہید فلسطینیوں کی تعداد 87 ہوچکی ہے۔