• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انشاءاللّٰہ! بہت جلد اچھے دن آئیں گے: سارہ علی خان

بالی ووڈ اداکار سیف علی خان اور ماضی کی نامور اداکارہ امرتا سنگھ کی بیٹی سارہ علی خان نے عیدالفطر کے موقع پر اچھے دنوں کی اُمید ظاہر کی ہے۔ 

سارہ علی خان نے اپنے تصدیق شدہ انسٹاگرام اکاؤنٹ پر اپنے بھائی ابراہیم علی خان کے ہمراہ اپنی خوبصورت تصویر شیئر کی ہے جو بھائی بہن کے حسین رشتے کی عکاسی کررہی ہے۔


انسٹاگرام پر شیئر کی گئی تصویر میں سارہ علی خان اپنے بھائی کے ہمراہ کسی برفانی علاقے میں موجود ہیں۔

سارہ علی خان نے تصویر کے کیپشن میں اپنے تمام مداحوں اور عزیزوں کو عیدالفطر کی مبارکباد دی۔

بالی ووڈ اداکارہ نے لکھا کہ ’میں دُعا اور اُمید کرتی ہوں کہ یہ عید پوری دُنیا کے لوگوں کے لیے خوشیاں اور سلامتی لیکر آئے۔‘

اُنہوں نے مزید لکھا کہ ’انشاءاللّٰہ! پوری دُنیا میں اچھے اور بہتر دن بہت جلد آئیں گے۔‘

واضح رہے کہ بھارت سمیت دُنیا کے کئی ایشیائی ممالک میں آج عیدالفطر منائی جارہی ہے جبکہ پاکستان میں گزشتہ روز عیدالفطر منائی گئی تھی۔

انٹرٹینمنٹ سے مزید