فلسطین پر اسرائیلی حملے کے خلاف برسلز میں عوام کا بڑا مظاہرہ

فلسطین پر اسرائیلی حملے کے خلاف بیلجیئم کے دارالحکومت برسلز میں عوام کا بڑا مظاہرہ ہوا۔

مظاہرے کے شرکاء نے اسلامی ممالک کے اتحاد کی اپیل کی، مظاہرے میں بچوں اور خواتین نے بڑی تعداد میں شرکت کی۔

مظاہرین نے اسرائیل کے خلاف شدید غم و غصہ کا اظہار کیا۔

غزہ میں اسرائیلی مظالم کیخلاف برطانیہ، اسپین اور جرمنی میں بھی مظاہرے کیے گئے، مظاہرین کا کہنا تھا کہ کئی سالوں سے خاموش رہ لیے اب فلسطینیوں کے دفاع اور ان کے لیے بولنے کا وقت آگیا ہے۔

اسرائیلی حکومت نےغزہ پٹی کے بجلی نظام کو بند کرنے کی دھمکی دے دی

عرب میڈیا کے مطابق غزہ پٹی کے مقامی بجلی گھر 180 میگاواٹ بجلی بناتے ہیں ، اسرائیل کی بجلی کمپنی غزہ پٹی کو 220 میگاواٹ بجلی فراہم کرتی ہے۔

لندن میں فلسطین کے حق میں بڑی تعداد میں مظاہرین سڑکوں پر نکل آئے۔

فلسطینی پرچم تھامے مظاہرین ماربل آرک پر جمع ہوئے اور اسرائیلی سفارتخانے کی جانب مارچ کیا۔

اسپین کے دارالحکومت میڈرڈ میں بھی فلسطین کے حق میں ہزاروں افراد نے مظاہرہ کیا۔

جرمن دارالحکومت برلن میں بھی غزہ میں اسرائیلی مظالم کیخلاف پرامن مظاہرہ کیا گیا۔

خیال رہے کہ غزہ میں اسرائیلی حملوں میں اب تک 40 بچوں سمیت 140 فلسطینی جاں بحق ہوچکے ہیں۔