صفائی کا فقدان

ہمارا علاقہ ماڈل ٹائون نہایت گندگی کی آماجگاہ بنا ہوا ہے۔ یہاں جگہ جگہ کچرے کے ڈھیر ہیں جس سے اٹھنے والا تعفن لوگوں میں مختلف بیماریاں پھیلا رہا ہے۔ مکھیاں اور مچھروں کی افزائش میں بے پناہ اضافہ ہورہا ہےجس سے بچے، بزرگ سب ہی ملیریا جیسی خطرناک بیماری کا شکار ہو رہے ہیں ۔محلے میں صفائی ستھرائی ہر شہری کا حق ہے جو کہ یہاں نہیں ہے۔ آپ کے اخبار کے توسط سے میری متعلقہ محکموں سے درخواست ہے کہ خدارا اس طرف فوری توجہ دی جائےتاکہ لوگ ان موذی بیماریوں سے محفوظ ہوجائیں۔(امیر علی)