بزدار کو الگ نشستوں کی درخواست دینے کا پروگرام نہیں: سعید نوانی

پاکستان تحریکِ انصاف (پی ٹی آئی) کے رہنما جہانگیر ترین کےگروپ کے رکنِ پنجاب اسمبلی سعید اکبر نوانی کا کہنا ہے کہ پنجاب کے وزیر اعلیٰ سردار عثمان بزدار کو الگ نشستوں کی درخواست دینے کا پروگرام نہیں۔

ترین گروپ کیلئے عثمان بزدار کا ظہرانہ

پاکستان تحریکِ انصاف (پی ٹی آئی) کے رہنما جہانگیر ترین کے گروپ کا نامزد وفد آج پنجاب کے وزیرِ اعلیٰ سردار عثمان بزدار سے ملاقات کرے گا۔

لاہور میں میڈیا سے گفتگو کرتے ہوئے پاکستان تحریکِ انصاف (پی ٹی آئی) کے رہنما جہانگیر ترین کےگروپ کے رکنِ پنجاب اسمبلی سعید اکبر نوانی نے کہا کہ عثمان بزدار ہمارے وزیرِ اعلیٰ ہیں۔

انہوں نے مزید کہا کہ ہم نے پارٹی کے ساتھ رہ کر معاملات طے کرنے ہیں، ہم نے کبھی بھی منفی ایکشن کی بات نہیں کی ہے۔

ترین گروپ اسپیکر پنجاب اسمبلی سے ملاقات کرے گا

جہانگیر ترین گروپ نے پنجاب اسمبلی کے اجلاس سے متعلق لائحہ عمل تیار کر لیا، ذرائع کا کہنا ہے کہ ترین گروپ کے ارکان اسپیکر پنجاب اسمبلی چوہدری پرویز الہٰی سے ملاقات کریں گے۔

سعید اکبر نوانی کا یہ بھی کہنا ہے کہ تحفظات ہوتے ہیں، جو دور بھی ہو جاتے ہیں، مگر الگ نشستوں کا سوال ہی پیدا نہیں ہوتا ہے۔