فرمان الہی
نماز کے اوقات
پاکستان پیپلز پارٹی کی رہنما اور رکن سندھ اسمبلی شرمیلا فاروقی نے چیئرمین پی پی بلاول بھٹو زرداری کی وہ تصویر سوشل میڈیا پر شیئر کردی جو اُنہیں سب سے زیادہ پسند ہے۔
سوشل میڈیا پر زیادہ متحرک رہنے والی پی پی رہنما شرمیلا فاروقی نے مائیکرو بلاگنگ سائٹ ٹوئٹر پر چیئرمین پاکستان پیپلز پارٹی بلاول بھٹو زرداری کی تصویر شیئر کی ہے۔
تصویر میں بلاول بھٹو سفید قمیص شلوار کے ساتھ نیلے رنگ کا کوٹ پہنا ہوا ہے جبکہ شرمیلا فاروقی سیاہ لباس میں ملبوس ہیں۔
ٹوئٹر پر شیئر کی گئی تصویر میں دیکھا جاسکتا ہے کہ بلاول بھٹو اور شرمیلا فاروقی کہیں جارہی ہیں۔
شرمیلا فاروقی نے تصویر شیئر کرتے ہوئے صارفین سے مخاطب ہوکر لکھا کہ ’اپنے فون کی فوٹو گیلری سے بلاول بھٹو کی وہ تصویر یہاں شیئر کریں جو آپ کو سب سے زیادہ پسند ہے۔‘
پی پی رہنما کی جانب سے شیئر کی گئی تصویر دیکھ کر واضح ہوگیا ہے کہ اُنہیں بلاول بھٹو زرداری کی یہ تصویر سب سے زیادہ پسند ہے۔
واضح رہے کہ شرمیلا فاروقی سوشل میڈیا کے مختلف پلیٹ فارمز پر دلچسپ پوسٹس شیئر کرتی ہیں جنہیں خوب پسند کیا جاتا ہے۔
