ملتان سلطانز کی نمائندگی نہ کر سکنے پر دل شکستہ ہوں، شاہد آفریدی

ابوظہبی میں پاکستان سُپر لیگ (پی ایس ایل) کے بقیہ میچز کیلئے ملتان سلطانز، مایہ ناز آل راؤنڈر شاہد آفریدی کی انجری کے باعث خدمات سے محروم ہوگئی ہے، شائقین کرکٹ کو اس خبر نے جتنا دلبرداشتہ کیا وہیں سابق کپتان خود بھی دل شکستہ ہیں۔

شاہد آفریدی کی افغان کرکٹر سے تلخ کلامی کے بعد نصیحت

لنکا پریمئر لیگ میں قومی کرکٹ ٹیم کے سابق کپتان شاہد آفریدی کے جارحانہ مزاج کے ایک بار پھر چرچے تھے، شاہد آفریدی کی افغانی باؤلر نوین الحق کو محمد عامر پر غصہ کرنے پر کھری کھری سنانے کی ویڈیو سوشل میڈیا پر وائرل ہوگئی تھی۔

شاہد آفریدی نے ٹوئٹر پر اپنی انجری کے حوالے سے جاری بیان میں کہا کہ پی ایس ایل کے بقیہ میچز کیلئے ٹریننگ کے دوران مجھے کمر میں شدید تکلیف محسوس ہوئی۔

انہوں نے بتایا کہ ڈاکٹر کو اس تکلیف کے حوالے سے بتایا تو انہوں نے چیک اپ کے بعد مجھے آرام کا مشورہ دیا ہے۔ بقیہ میچز میں اب میں ملتان سلطانز کی نمائندگی نہیں کرسکوں گا۔

شاہد آفریدی نے آئی سی سی کے قوانین پر اعتراض اٹھادیا

قومی کرکٹ ٹیم کے سابق کپتان شاہد آفریدی نے عالمی وبا کورونا کے دور میں کرکٹ میشوں کے دوران امپائروں سے متعلق قوانین پر اعتراض اٹھا دیا۔

سابق کپتان نے لکھا کہ میں میچز کیلئے پریکٹس اور محنت کررہا تھا لیکن اس انجری نے میرے دل کو توڑ دیا ہے۔

شاہد آفریدی کی جگہ آصف آفریدی کو ملتان سلطانز میں شامل کرلیا گیا ہے۔

واضح رہے کہ پی ایس ایل 6 کے بقیہ میچز کا جون کے مہینے میں ابوظہبی میں انعقاد کرایا جائے گا۔