زرداری اور فریال کیخلاف نیب ریفرنسز منتقلی کیس ڈی لسٹ

سپریم کورٹ آف پاکستان نے سابق صدر اور پاکستان پیپلز پارٹی (پی پی پی) کے شریک چیئرمین آصف علی زرداری اور ان کی ہمشیرہ فریال تالپور کے خلاف نیب ریفرنسز منتقلی کیس ڈی لسٹ کر دیا۔

سپریم کورٹ آف پاکستان کے جسٹس عمر عطاء بندیال کی سربراہی میں 3 رکنی بینچ نے آج کیس کی سماعت کرنی تھی۔

زرداری کیخلاف سماعت، جج کے سوال پر عدالت میں قہقہے

سابق صدر اور پاکستان پیپلز پارٹی کے شریک چیئرمین آصف علی زرداری کے خلاف میگا منی لانڈرنگ ریفرنس کی سماعت کے دوران جج اعظم خان اور وکلاء کے درمیان دل چسپ مکالمے پر احتساب عدالت قہقہوں سے گونجنے لگی۔

بینچ کی عدم دستیابی کے باعث عدالتِ عظمیٰ کی جانب سے کیس ڈی لسٹ کیا گیا۔

آصف زرداری نے 4 نیب ریفرنسز اسلام آباد سے کراچی منتقل کرنے کی استدعا کر رکھی ہے۔

فریال تالپور کی نااہلی، الیکشن کمیشن کو سماعت سے روک دیا گیا

اسلام آباد ہائی کورٹ نے سابق صدر آصف علی زرداری کی ہمشیرہ اور پاکستان پیپلز پارٹی کی رہنما فریال تالپور کے خلاف نااہلی کیس کی سماعت سے الیکشن کمیشن کو روک دیا۔

نیب نے آصف زرداری اور فریال تالپور کے خلاف مقدمات اسلام آباد منتقلی کی استدعا کر رکھی ہے۔

اس سے قبل آصف زرداری کے ریفرنسز منتقلی کا کیس 3 بار مؤخر کیا جا چکا ہے۔