فرمان الہی
نماز کے اوقات
اپوزیشن کی عدم موجودگی میں سینیٹ نے سی پیک اتھارٹی بل منظور کرلیا، اپوزیشن سی پیک اتھارٹی بل کی منظوری کےمعاملے پر احتجاجاً واک آؤٹ کر گئی تھی۔
سینیٹ میں سی پیک اتھارٹی بل کی مخالفت میں کوئی ووٹ نہیں آیا، سینیٹ کا اجلاس جمعہ کی صبح 11بجے تک ملتوی کردیا گیا۔
سی پیک اتھارٹی کے قیام کا بل سینیٹ میں پیش کیا گیا، اپوزیشن نے مشیر بابر اعوان کو بل پیش کرنے سے روک دیا، اپوزیشن کی مخالفت پر بل شبلی فراز نے پیش کیا۔
اپوزیشن نے سی پیک اتھارٹی بل سینیٹ میں پیش کرنے پر شدید احتجاج کیا، اپوزیشن کی جانب سے سی پیک اتھارٹی بل پر مخالفت کی گئی۔
اس سے قبل ایوان میں اظہار خیال کرتے ہوئے ڈاکٹر شہزاد وسیم کا کہنا ہے کہ ملک کا مستقبل سی پیک منصوبے سے جڑا ہے، سی پیک اتھارٹی کا جلد از جلد قیام ہو تاکہ بجٹ میں شامل کیا جائے۔
انہوں نے کہا کہ سی پیک اتھارٹی بل کو ایوان منظور کرے۔
یوسف رضا گیلانی نے کہا کہ ہم جانتے ہیں چین کے ساتھ بہت اہم تعلقات ہیں، سی پیک اتھارٹی بل کو آخر میں اضافی ایجنڈا کے طور پر حکومت لے آئی۔
یوسف رضا گیلانی نے کہا کہ حکومت اس وقت بل لائی جب سب اراکین چلے گئے ہیں، سی پیک اتھارٹی بل کو کل لے آئیں۔
سینٹر شبلی فراز نے کہا کہ سینیٹ سی پیک اتھارٹی بل کی تحریک فوری منظور کرے۔
