• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت: کورونا وائرس سے 1 دن میں 3 ہزار 460 اموات

تازہ ترین
بین الاقوامی خبریں
30 مئی ، 2021
بھارت: کورونا وائرس سے 1 دن میں 3 ہزار 460 اموات

بھارت میں کورونا وائرس کے نئے کیسز میں کمی آنے لگی ہے، بھارت میں 1 دن میں کورونا وائرس کے ایک لاکھ 65 ہزار نئے کیسز سامنے آثے ہیں جبکہ اس کے مزید 3 ہزار 460 مریض موت کے منہ میں پہنچ گئے۔

1 ارب سے زائد آبادی والا ملک بھارت کورونا وائرس کے مریضوں کی تعداد کے حوالے سے دوسرے نمبر پر ہے۔

دنیا: کورونا وائرس سے اموات 35 لاکھ 48 ہزار سے متجاوز

دنیا بھر میں کورونا وائرس سے متاثرہ افراد کی تعداد 17 کروڑ 6 لاکھ 37 ہزار 911 تک جا پہنچی ہے جبکہ اس موذی وائرس سے اموات 35 لاکھ 48 ہزار 837 ہو گئیں۔

بھارت میں اب تک کورونا وائرس سے 3 لاکھ 25 ہزار 998 ہلاکتیں ہو چکی ہیں جبکہ اس سے متاثرہ 2 کروڑ 78 لاکھ 94 ہزار 800 مریض سامنے آ چکے ہیں۔

بھارتی دارالحکومت دہلی میں کورونا وائرس کے باعث لگائے گئے لاک ڈاؤن میں 7 جون تک توسیع کر دی گئی ہے۔

دوسری جانب دنیا بھر میں گزشتہ 24 گھنٹوں کے دوران کورونا وائرس کے پونے 5 لاکھ سے زائد نئے کیسز سامنے آئے ہیں جبکہ ساڑھے 10 ہزار سے زائد کورونا مریض موت کے منہ میں پہنچ گئے۔

پاکستان: کورونا وائرس سے مزید 56 اموات، کل ہلاکتیں 20736

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 2 ہزار 697 کیسز سامنے آئے ہیں، مزید 56 افراد اس موذی وباء کے سامنے زندگی کی بازی ہار گئے، 2 ہزار 620 مریض شفایاب ہو گئے، جبکہ مثبت کیسز آنے کی شرح تقریباً 5 فیصد ہو گئی۔

دنیا بھر میں کورونا وائرس سے متاثرہ افراد کی تعداد 17 کروڑ 6 لاکھ 37 ہزار 911 تک جا پہنچی ہے جبکہ اس موذی وائرس سے اموات 35 لاکھ 48 ہزار 837 ہو گئیں۔

کورونا وائرس کے دنیا بھر میں 1 کروڑ 44 لاکھ 69 ہزار 476 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 92 ہزار 20 کی حالت تشویش ناک ہے جبکہ 15 کروڑ 26 لاکھ 19 ہزار 598 کورونا مریض صحت یاب ہو چکے ہیں۔

تازہ ترین