• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صفیہ حیات

جس زمانے میں

عورت کے حقوق کے لیے بنیادی نعرہ ایجاد ہوا

اس سے اگلے دن

نفرت کے تھپڑ کی ابتداء ہوئی

کیلینڈر میں یہ بات درج نہیں

اس دن تماشا گاہ میں مسخرے نے

تالیاں بجاتے اعلان کیا

عورت بدحواسی کے راستوں پر چل پڑی ہے

ممکن ہے یہ باتیں

تاریخ کی کسی کتاب کا حصہ بنتیں

لیکن

ہم عورتوں نے وقت گزاری کے لیے

رومانوی کتابیں

اور کھانا پکانے کے طریقوں والے رسالے پڑھے

سو تاریخ یک طرفہ رہی