• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان میں پولیو مہم کا آغاز 7 جون سے ہوگا ،ساڑھے7لاکھ سے زائد بچےمستفیدہونگے

میرا شہر
ملتان
05 جون ، 2021
ملتان (سٹاف رپورٹر) ملتان میں پانچ روزہ پولیو مہم کا آغاز 7 جون سے ہو گا جو11 جون تک جاری رہے گی۔پولیو مہم کو کامیاب بنانے کے لئے تیاریاں مکمل کر لی گئیں ہیں۔ڈپٹی کمشنر علی شہزاد کی زیرصدارت مہم کے انتظامات کا جائزہ لینے کے سلسلے میں اجلاس منعقد ہوا جس میں اسسٹنٹ کمشنر سٹی خواجہ محمد عمیر محمود، سی ای او ہیلتھ ڈاکٹر شعیب الرحمان گورمانی،ڈی ایچ او ڈاکٹر محمد علی مہدی اور ڈبلیو ایچ او کے نمائندے ڈاکٹر عابدحسین اور ضلع کے تمام ڈی ڈی ایچ اووز، پولیس، سوشل ویلفیئر اور دیگر محکموں کے افسران بھی موجود تھے۔ اس موقع سی ای او ہیلتھ ڈاکٹر شعیب الرحمان گورمانی نے بریفنگ دیتے ہوئے بتایا کہ مہم کے دوران7 لاکھ58 ہزار سے زائد بچوں کو پولیو کے قطرے پلائے جائیں گے۔ پولیو ورکرز کی ٹریننگ مکمل ہو چکی ہے اور یو سی ایم اووز کے ساتھ یونین کونسل کی سطح پر میٹنگ کرکے انتظامات کو حتمی شکل دے دی گئی ہے۔انہوں نے بتایا کہ پولیو موبائیل ٹیمز کی مانیٹرنگ کا میکانزم موثر بنا دیا گیا ہے۔
تازہ ترین