زرعی معیشت سے متعلق جمشید اقبال چیمہ کا دعویٰ

وزیراعظم عمران خان کے معاون خصوصی جمشید اقبال چیمہ نے دعویٰ کیا ہے کہ آئندہ برس زرعی معیشت کا سال ہوگا۔

ایک بیان میں جمشید اقبال چیمہ نے کہا کہ پنجاب میں کپاس کی بوائی کا تقریباً 90 فیصد اور سندھ میں 80 فیصد ہدف حاصل کرلیا گیا ہے۔

انہوں نے کہا کہ کپاس کی صورتحال بہتر ہے اور گزشتہ سال کے مقابلے میں پیداوار کہیں زیادہ ہوگی۔

سمندر پار پاکستانی وطن کا اثاثہ ہیں، وفاقی وزیر حماد اظہر

وفاقی وزیر حماد اظہر نے کہا ہے کہ سمندر پار پاکستانی وطن عزیز کا اثاثہ ہیں۔

وزیراعظم کے معاون خصوصی نے مزید کہا کہ ملکی تاریخ میں گنا، مکئی اور گندم کی سب سے زیادہ پیداوار ہوئی ہے۔

اُن کا کہنا تھا کہ زرعی معیشت میں 1100 ارب روپے منتقل ہوئے، جس سے کسان کی آمدن میں تاریخی اضافہ ہوا۔

جمشید اقبال چیمہ نے یہ بھی کہا کہ لائیو اسٹاک کی مد میں اربوں روپے کی سرمایہ کاری لا رہے ہیں۔