فرمان الہی
نماز کے اوقات
سکھر (بیورورپورٹ ) خفیہ اطلاع پر سی ٹی ڈی سکھر کی کاروائی، کالعدم تنظیم بلوچستان لبریشن آرمی کا انتہائی مطلوب دہشتگرد خدا بخش مری گرفتار، اسلحہ برآمد، ملزم بلوچستان میں واقع کالعدم تنظیم بلوچستان لبریشن آرمی کے تربیتی کیمپ کا نائب کمانڈر بھی رہ چکا ہے۔ سی ٹی ڈی سکھر کے ترجمان کے مطابق سی ٹی ڈی سکھر کی ٹیم نے خفیہ اطلاع پر سکھر ائیر پورٹ روڈ کے قریب کاروائی کرتے ہوئے کالعدم تنظیم بلوچستان لبریشن آرمی کے انتہائی مطلوب دہشتگرد خدا بخش ولد جاڑو خان مری کو گرفتار کرلیا ہے، جس کے قبضے سے 9 ایم ایم پسٹل برآمد کرکے تھانہ سی ٹی ڈی سکھر میں مقدمہ نمبر 11/2021درج کرلیا گیا ہے، سی ٹی ڈی ترجمان کے مطابق گرفتار ملزم گاؤں سید گل شاہ سٹھ میل تحصیل دوڑ ضلع شہید بے نظیر آباد کا رہائشی ہے، دوران تفتیش ملزم نے انکشاف کیا ہے کہ اس نے کالعدم تنظیم بلوچستان لبریشن آرمی کے تربیتی کیمپ سے عسکری دہشتگردی کی ٹریننگ حاصل کی تھی۔
