• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر کھیل پنجاب کی لاہور قلندرز کو شاباش

وزیر کھیل پنجاب رائے تیمور بھٹی کی جانب سے لاہور قلندرز کی کامیابی پر کھلاڑیوں کو شاباش دی گئی ہے۔

رائے تیمور بھٹی نے کہا کہ اسلام آباد یونائیٹڈ کے خلاف سنسنی خیز فتح پر لاہور قلندر کو بہت مبارک ہو۔

واضح رہے کہ پاکستان سپر لیگ (پی ایس ایل) چھٹے ایڈیشن کے پندرہویں میچ میں سنسنی خیز مقابلے کے بعد لاہور قلندرز نے اسلام آباد یونائیٹڈ کو 5 وکٹوں سے شکست دے دی۔

لاہور قلندرز کی جیت میں اہم کردار راشد خان اور ٹم ڈیوڈ نے ادا کیا۔ دونوں کھلاڑی بالترتیب 15 اور 23 رنز بناکر ناقابل شکست رہے۔

لاہور قلندرز کے راشد خان کو عمدہ آل راؤنڈ کارکردگی پر پلیئر آف دی میچ قرار دیا گیا۔

انہوں نے بیٹنگ میں 5 گیندوں پر 15 رنز اور بالنگ میں 4 اوورز میں 9 رنز دے کر ایک وکٹ حاصل کی۔

کھیلوں کی خبریں سے مزید