ملتان سلطانز نے کراچی کنگز کو 177 رنز کا ہدف دیدیا

ابوظبی میں کھیلے جارہے میچ میں کراچی کنگز نے ٹاس جیت کر ملتان سلطانز کو بیٹنگ کی دعوت دی۔

ملتان سلطانز نے 20 اوورز میں 5 وکٹ پر 176 رنز بنائے، تاہم اس کا کوئی کھلاڑی نصف سنچری اسکور نہیں کرسکا۔

سرفراز احمد نے پی ایس ایل میں ’ڈیو فیکٹر‘ کو اہم قرار دیدیا

پاکستان سپر لیگ (پی ایس ایل) فانچائز کوئٹہ گلیڈیٹرز کے کپتان سرفراز احمد نے ایونٹ کے رات کے میچز میں اوس (ڈیو فیکٹر) کو اہم قرار دیدیا۔

سلطانز کےخوشدل شاہ کے ناقابل 44، رئیلی روسو 44، صہیب مقصود 31 ، کپتان محمد رضوان 29 اور سہیل تنویر کے ناقابل شکست 14رنز کی بدولت اسکور بورڈ پر قابل دفاع ہدف سجادیا۔

کراچی کنگز کے پریرا نے 2 جبکہ عماد وسیم اور وقاص مقصود نے 1،1 وکٹ اپنے نام کی، ان کی بولنگ کی خاص بات یہ بھی رہی ہے کہ پوری اننگز کے دوران صرف 4 رنز ایکسٹرا کے رہے۔

اس سے قبل کراچی کنگز نے ملتان سلطانز کے خلاف ٹاس جیت کر فیلڈنگ کا فیصلہ کیا ہے۔

وہاب ریاض کی مخالف ٹیم لاہور قلندرز کی تعریف

پاکستان سپر لیگ ( پی ایس ایل ) فانچائز پشاور زلمی کے کپتان اور فاسٹ بولر وہاب ریاض نے مخالف ٹیم لاہور قلندرز کی تعریف کردی ۔

پی ایس ایل کی کورونا وائرس کے باعث پاکستان سے ابوظبی منتقلی کے بعد یہ دوسرا میچ ہے، گزشتہ روز کے میچ لاہور قلندرز نے اسلام آباد یونائیٹڈ کو 5 وکٹوں سے شکست دی تھی۔

ملتان سلطانز کی طرف سے رحمٰن اللّٰہ گُر باز، کپتان محمد رضوان، صہیب مقصود، رئلی روسو، شمرون، خوشدل شاہ، سہیل تنویر، سہیل خان، عمران طاہر، شاہنواز دھانی اور عمران خان میدان میں اترے ہیں۔

دوسری طرف کراچی کنگز نے کپتان عماد وسیم، بابراعظم، شرجیل خان، نجیب اللّٰہ زدران، تھسیارا پریرا، مارٹن گپٹل، چڈوک والٹن، قاسم اکرم، وقاص مقصود، محمد عامر اور ارشد اقبال کو میچ میں فتح کے لیے میدان میں اتارا ہے۔

دونوں ٹیمیں اب تک 5،5 میچز کھیل چکی ہیں، کراچی کنگز 3 میں فاتح رہی ہے جبکہ ملتان سلطانز صرف ایک ہی میچ جیت سکی ہے۔