تنخواہ لینی ہےتو پہلے ویکسین لگوائیں: یوٹیلیٹی اسٹورز کارپوریشن

وفاقی دارالحکومت اسلام آباد میں یوٹیلیٹی اسٹورز کارپوریشن نے ملازمین کی تنخواہیں، ویکسینیشن سے مشروط کردیں۔

اس ضمن میں یوٹیلیٹی اسٹورز ملازمین کی تنخواہوں کو ویکسین سرٹیفیکیٹ سے مشروط کرنے کا نوٹیفکیشن جاری کردیا گیا ہے۔

نوٹیفیکیشن کے مطابق یوٹیلیٹی اسٹورز نے تمام ملازمین کی ویکسینیشن لازمی قرار دی ہے جبکہ یوٹیلیٹی اسٹورز کے تمام ملازمین کو 30 جون تک ویکسین لگوانے کی ڈیڈ لائن دی گئی ہے۔

ویکسین نہ لگوانے پر پولیس اہلکار معطل، تنخواہ رک گئی

کورونا وائرس کی ویکسین نہ لگوانے والے پولیس اہلکاروں کی ناصرف تنخواہیں روکی جانے لگیں، بلکہ انہیں معطل بھی کر دیا گیا۔

ملازمین ویکیسن کروا کر 30 جون تک سرٹیفیکیٹ جمع کرائیں جبکہ 30 جون تک ویکسین نہ کروانے والے ملازمین کو جولائی کی تنخواہ نہیں دی جائے گی۔

‌واضح رہے کہ وزرات صعنت و پیدوار نے یوٹیلیٹی اسٹورز کارپوریشن کو خط لکھا تھا۔