بلوچستان میں کہیں موسم گرم، کہیں شدید گرم

وادی کوئٹہ سمیت بلوچستان کے متعدد اضلاع میں موسم گرم و خشک ہے، محکمہ موسمیات نے ژوب اور بارکھان میں بارش کا امکان ظاہر کیا ہے۔

وادی کوئٹہ اور گرد و نواح میں مطلع صاف اور موسم خشک ہے، اندرونِ بلوچستان کے بیشتر علاقوں میں موسم خشک اور گرم جبکہ وسطی اور جنوبی علاقوں میں شدید گرم ہے۔

کراچی میں بوندا باندی، تیز ہوائیں چلیں گی

آئندہ 24 گھنٹوں کےدوران کراچی کا مطلع جزوی ابر آلود اور رات اور صبح کے اوقات میں بوندا باندی کا بھی امکان ہے جبکہ آج بھی شہر میں تیز گرد آلود ہوائیں چلیں گی۔

محکمہ موسمیات کے مطابق آئندہ 24 گھنٹوں کے دوران بلوچستان کے بیشتر علاقوں میں موسم خشک اور گرم رہنے کا امکان ہے۔

ژوب، بارکھان اور ملحقہ علاقوں میں چند مقامات پر گرج چمک کے ساتھ بارش کا امکان ہے۔

پنجاب، KPK، کشمیر میں مزید بارش کا امکان

کچھ روز سے شدید گرمی کی لپیٹ میں آئے ہوئے پنجاب اور خیبر پختون خوا کے شہریوں کے لیے خوش خبری ہے کہ آج سے پنجاب، خیبر پختون خوا اور کشمیر کے بیشتر علاقوں میں آندھی اور گرج چمک کے ساتھ بارش کا امکان ہے۔

گرمی کی شدت میں اضافہ کے ساتھ ہی صوبے بھر میں شہری بجلی کی طویل لوڈ شیڈنگ اور پانی کی قلت کے باعث مشکلات کا شکار ہیں۔