میں عاصم اظہر کی مداح ہوں: حرا مانی

پاکستان شوبز انڈسٹری کی معروف اداکارہ حرا مانی نے خود کو نوجوان گلوکار عاصم اظہر کی مداح قرار دے دیا۔

حال ہی میں اداکارہ حرا مانی نے جیو نیوز کے پروگرام ’جشنِ کرکٹ‘ میں شرکت کی جہاں اُنہوں نے میزبان شہزاد اقبال کے مختلف سوالات کے جوابات دیے۔

دورانِ پروگرام حرا مانی نے ہانیہ عامر اور گلوکار عاصم اظہر کے تنازعے سے متعلق گفتگو کرتے ہوئے کہا کہ ’میں نے اس تنازعے کے دوران سوشل میڈیا پر عاصم اظہر کی تصویر شیئر کی تھی جس کا مطلب ہرگز یہ نہیں تھا کہ میں عاصم کو سپورٹ کررہی ہوں۔‘

عاصم اظہر کی اپنی میم والی پوسٹ پر وضاحت

پاکستان میوزک انڈسٹری کے معروف گلوکار عاصم اظہر نے اپنی حالیہ میم والی پوسٹ پر وضاحت دیتے ہوئے کہا ہے کہ میں طویل عرصے سے خاموش تھا اور اب میری ایک پوسٹ سے لوگوں کے جذبات مجروح ہوگئے ہیں جبکہ وہ پوسٹ کسی مخصوص شخص کے لیے نہیں تھی۔

حرا مانی نے کہا کہ ’درحقیقت! میں عاصم اظہر کی مداح ہوں، میں نے اُن کے ساتھ کام کیا ہے، وہ ایک اچھی شخصیت کے مالک ہیں۔‘

اداکارہ نے مزید کہا کہ ’اس وقت عاصم اظہر ایک خوشگوار اور پُرسکون زندگی بسر کررہے ہیں اور مجھے اُمید ہے کہ وہ آگے بھی اپنی زندگی اسی طرح گُزاریں گے۔‘

دوسری جانب پروگرام کے دوران حرا مانی نے میزبان کے ایک سوال کا جواب دیتے ہوئے کہا کہ ’مجھے فواد خان اداکار و میزبان فہد مصطفیٰ سے زیادہ ہینڈسم لگتے ہیں۔‘

ہانیہ عامر اور عاشر وجاہت کی ایک اور ویڈیو وائرل

گزشتہ کچھ دنوں سے وائرل ویڈیو کی وجہ سے خبروں کی زینت بننے والی خوبرو اداکار و ماڈل ہانیہ عامر کی نوجوان گلوکار و اداکار عاشر وجاہت کے ساتھ ایک اور ویڈیو سوشل میڈیا پر وائرل ہوگئی ہے۔

واضح رہے کہ ماضی میں عاصم اظہر اور ہانیہ عامر کے درمیان گہری دوستی قائم تھی بعد ازاں دونوں نے راہیں جدا کرلی تھیں جس کے بعد گلوکار کو شدید تنقید کا نشانہ بنایا گیا تھا۔

اب تقریباً دیڑھ برس بعد گزشتہ دنوں ہانیہ عامر اور عاصم اظہر میں سوشل میڈیا پر لفظی جنگ جاری رہی۔

بال بال بچ گیا: ہانیہ کی وائرل ویڈیو کے بعد عاصم اظہر کا پیغام

پاکستان میوزک انڈسٹری کے نوجوان گلوکار اور اداکارہ ہانیہ عامر کے سابقہ دوست عاصم اظہر کے حالیہ سوشل میڈیا پیغام نے مداحوں کو کشمکش میں مبتلا کردیا۔

 عاصم اظہر اور ہانیہ عامر کی سوشل میڈیا پر جاری لفظی جنگ کے دوران ہی حرا مانی نے اپنے انسٹاگرام اکاؤنٹ پر اسٹوری میں عاصم اظہر کی تصویر شیئر کی تھی جس کے بعد صارفین کا کہنا تھا کہ اداکارہ عاصم اظہر کو سپورٹ کررہی ہیں۔