• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اپوزیشن کا بلوچستان اسمبلی کے داخلی دروازے پر دھرنا

بلوچستان میں حزبِ اختلاف سے تعلق رکھنے والے اراکینِ صوبائی اسمبلی کا کوئٹہ میں اسمبلی کے باہر مین گیٹ پر احتجاجی کیمپ چوتھے روز بھی جاری ہے جبکہ اپوزیشن رہنماؤں نے اسمبلی کےاحاطے میں داخلی دروازے پر دھرنا دے دیا ہے۔

دھرنا دینے والوں میں ثناء بلوچ، احمد نواز بلوچ، ملک نصیر شاہوانی اور اکبر مینگل شامل ہیں۔

حزبِ اختلاف کی مختلف جماعتوں سے تعلق رکھنے والے اراکینِ بلوچستان اسمبلی صوبائی حکومت کی جانب سے آئندہ بجٹ میں مبینہ طورپر نظر انداز کیئے جانے کے خلاف احتجاج پر ہیں۔

حزبِ اختلاف کے اراکینِ اسمبلی کا مؤقف ہے کہ حکومت کی جانب سے آئندہ بجٹ کے حوالے سے اعتماد میں نہیں لیا گیا۔

ان کا یہ بھی کہنا ہے کہ حکومت کی جانب سے اپوزیشن کو دیوار سے لگا دیا گیا ہے، ان کے حلقوں میں عوامی نمائندوں کی بجائے غیر منتخب افراد کے ذریعے ترقیاتی کام کروائے جا رہے ہیں اور انہیں فنڈز بھی جاری کیئے جا رہے ہیں۔

قومی خبریں سے مزید