ملکھا سنگھ کا کردار ادا نہ کرنے کا افسوس ہے: اکشے کمار

بالی ووڈ اسٹار اکشے کمار کی جانب سے بھارتی ایتھلیٹ ملکھا سنگھ کی موت پر شدید افسوس کا اظہار کیا گیا ہے۔

سماجی رابطے کی ویب سائٹ ٹوئٹر پر جاری کیے گئے پیغام میں اکشے کمار نے کہا کہ ’ملکھا سنگھ جی کی موت کی افسوسناک خبر میں سُن کر حیرت انگیز طور پر شدید دُکھ ہوا۔‘

اکشے کمار نے کہا کہ ’مجھے ہمیشہ اس بات کا افسوس رہے گا کہ میں اسکرین پر ملکھا سنگھ کا کردار ادا نہیں کیا۔‘

ملکھا سنگھ لاکھوں لوگوں کیلئے مثال ہیں: شاہ رخ خان

بالی ووڈ کنگ شاہ رخ نے بھارتی ایتھلیٹ ملکھا سنگھ کی موت پر افسوس کا اظہارِ کرتے ہوئے کہا ہے کہ ملکھا سنگھ لاکھوں لوگوں کے لیے مثال ہیں۔

بالی ووڈ اداکار نے بھارتی ایتھلیٹ ملکھا سنگھ کے آخری سفر کی آسانی کے لیے دعا بھی کی۔

یاد رہے کہ کورونا کے مرض میں مبتلا ملکھا سنگھ 91 برس کی عمر میں جان کی بازی ہار گئے۔

ثانیہ مرزا، ملکھا سنگھ کی موت پر رنجیدہ

بھارتی ٹینس اسٹار اور قومی کرکٹر شعیب کی اہلیہ ثانیہ مرزا بھارتی ایتھلیٹ ملکھا سنگھ کی موت پر رنجیدہ ہوگئیں۔

بھارتی میڈیا رپورٹس کے مطابق ملکھا سنگھ 20 مئی سے کورونا کے مرض میں مبتلا تھے، ان کی اہلیہ بھی کورونا وائرس کی وجہ سے رواں ماہ جان کی بازی ہار گئی تھیں۔

ملکھا سنگھ نے ایشین گیمز میں 4 گولڈ میڈلز جیتے تھے۔