فرمان الہی
نماز کے اوقات
پاکستان کی معروف خوبرو اداکارہ کنزہ ہاشمی کا بتانا ہے کہ اُن کا ایک پالتو چوزا تھا جس کا اُن کی والدہ نے قتل کر دیا تھا۔
جیو انٹرٹینمنٹ کے ڈرامہ سیریل’مہلت‘ میں مرکزی کردار ادا کرنے والی اداکارہ کنزہ ہاشمی نے حال ہی میں ایک انٹرویو دیا ہے جس میں سے ایک دلچسپ مختصر کلپ خوب وائرل ہو رہا ہے۔
کنزہ ہاشمی اس وائرل ہوتی ویڈیو میں اپنے پالتو چوزے کی کہانی سنا رہی ہیں ۔
کنزہ ہاشمی کا بتانا ہے کہ ’اُن کے پاس ایک چھوٹا سا چوزا تھا جس سے اُنہیں بہت پیار ہو گیا تھا، انہوں نے اُس کا نام پیلو رکھا تھا، سردیوں کے دنوں میں وہ اُس چوزے کے لیے خصوصی طور پر ہیٹر چلا کر سویا کرتی تھیں تاکہ چوزے کو سردی نہ لگے، مگر اُن کی والدہ ڈرتی تھیں کہ رات میں کہیں ہیٹر بند نہ ہو جائے اور کمرے میں گیس بھرنے سے کوئی نقصان نہ ہو جائے۔‘
کنزہ ہاشمی کے مطابق ’ایک دن اُن کی والدہ نے رات گئے ہیٹر بند کر دیا تھا جس کے نتیجے میں اُن کا چوزا سردی لگنے کی وجہ سے مر گیا تھا۔‘
کنزہ ہاشمی نے مزید کہا کہ ’وہ اُس دن بہت روئی تھیں، اُس دن کے بعد سے وہ اپنی والدہ کو قاتل کہتی ہیں کہ کیوں کہ اُن کی والدہ نےاُن کے بہت پیارے چوزے کا قتل کیا ہے۔‘
