ٹیسٹ رینکنگ، بابر اعظم ٹاپ ٹین بیٹسمینوں کی فہرست سے باہر

انٹرنیشنل کرکٹ کونسل (آئی سی سی) نے ٹیسٹ پلئیرز سے متعلق رینکنگ جاری کردی، قومی کرکٹ ٹیم کے کپتان بابر اعظم ٹاپ ٹین بیٹسمینوں کی فہرست سے باہر ہوگئے۔

ساؤتھ افریقہ کے کوئنٹن ڈی کوک ٹاپ ٹین بیٹسمینوں میں شامل ہوگئے، وہ 2 درجے برتری کے ساتھ 10ویں نمبر پرآ گئے، بابر اعظم ٹیسٹ پلئیرز رینکنگ میں 11 نمبر پر چلے گئے۔

بابر اعظم نے ایک اور اعزاز اپنے نام کرلیا

قومی کرکٹ ٹیم کے کپتان بابر اعظم جنوبی افریقی سرزمین پر اسی کیخلاف ایک ہی دورے میں ون ڈے اور ٹی 20 سیریز اپنے نام کرنے والے پہلے ایشیائی کپتان بن گئے۔

آسٹریلیا کےاسٹیو اسمتھ پہلے ،نیوزی لینڈ کے کین ولیمسن دوسرے، آسٹریلیا کے مارنوس لابوشین بیٹسمینوں کی فہرست میں تیسرے نمبر پر موجود ہیں۔

بھارت کے ویرات کوہلی رینکنگ میں چوتھے، ریشبھ پنت چھٹے اور روہت شرما ساتویں، ہنری نکلز آٹھویں اور ڈیوڈ وارنر کا نواں نمبر ہے۔

آئی سی سی ODI رینکنگ، بابر اعظم نمبر ون بیٹسمین بن گئے

انٹرنیشنل کرکٹ کونسل (آئی سی سی) کی تازہ ون ڈے رینکنگ کے مطابق بابر اعظم نے ویرات کوہلی کو پیچھے چھوڑتے ہوئے نمبر ون پوزیشن پر قبضہ جما لیا۔

بولنگ میں آسٹریلیا کے پیٹ کمنز پہلے اور بھارت کے روی چندرن دوسرے نمبر پر موجود ہیں۔