• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تسنیم ناصر کی قیادت میں وفد کی یوسف رضا گیلانی سےملاقات

آج کا اخبار
یورپ سے
29 جون ، 2021
لندن ( پ ر) ڈسٹرکٹ صدر پیپلزپارٹی جہلم اور ٹکٹ ہولڈر این اے 66 چوہدری تسنیم ناصر کی سربراہی میں ایک وفد نے سینیٹر سید یوسف رضا گیلانی اپوزیشن لیڈر سینیٹ سے ان کے چیمبر میں ملاقات کی اور انہیں اپوزیشن لیڈر سینیٹ منتخب ہونے پر مبارکباد دی۔اس موقع پر وفد نے یوسف رضا گیلانی کو پھولوں کے گلدستے پیش کئے اور نیک تمناؤں کا اظہار کیا۔ وفد میں چوہدری تسنیم ناصر کے علاوہ مرزا غفار صدر تحصیل سوہاوہ ٹکٹ ہولڈر پی پی پی 26، چوہدری علی اصغر ممبر پنجاب کونسل سابق ایڈوائزر وزیراعظم آزادکشمیر، امتیاز کیانی سماجی رہنما اور زبیر خان سینئر رہنما پیپلزپارٹی بھی شامل تھے۔ ملاقات میں ملکی سیاسی صورتحال اور موجودہ حکومت کی غریب کش پالیسیوں پر گفتگو ہوئی اور امید ظاہر کی گئی کہ سینیٹر سید یوسف رضا گیلانی کے اپوزیشن لیڈر بننے سے پارلیمان مضبوط ہوگی اور عوام کے آئینی اور معاشی حقوق کیلئے موثر آواز اٹھائی جائے گی۔ سابق وزیر اعظم اور سینیٹر سید یوسف رضا گیلانی نے وفد کا دلی شکریہ ادا کیا۔
تازہ ترین