کراچی (اسٹاف رپورٹر) فرحان الطاف، عبدالرحمان،عقیل شبیر، نافذ اور ابراہیم التفات قومی ٹینس چیمپئن شپ کے کوارٹر فائنل میں پہنچ گئے، انڈر 12 کے سیمی فائنل میں عبداللہ خان نے حماد خان کو شکست دیکر فائنل میں کھیلنے کا اعزاز حاصل کرلیا۔ کراچی جیم خانہ میں کھیلی جانے والی چیمپئن شپ کے مینز سنگلز کےدوسرے رائونڈ میں فرحان الطاف نے محمد وقاص کو 6-0,6-0سے، عبدالرحمن نے عبداللہ خان کو6-1 اور6-0 سے، عقیل شبیر نے واصل رضا کو 6-3,6-3کو اور ابراہیم التفات نے مراد خان کو 6-3,6-2 سے شکست دی جبکہ نافذ احمد کو نادر بچانی کے کورٹ میں نہ پہنچنے پر واک اوور دیدیا گیا۔ انڈر 12سیمی فائنل میں عبداللہ خان نے حماد خان کو 8-3سے اور انڈر 10سیمی فائنل میں زین احتشام نے کرتن مکیش کو 8-2سے ہرا کر فائنل میں جگہ حاصل کی۔ انڈر 10کوارٹر فائنل میں عبدالصمد عاریجو نے اسد بچانی حیدر آباد کو 6-0,6-0سے، انڈر 14سنگلز کے پہلے رائونڈ میں ابراہیم خان نے شہباز حید رآباد کو 6-1,6-1سے، انڈر12کے پہلے رائونڈ میں محمد علی حیدر آباد نے عبداللہ عمران لوہیا کو 8-3سے شکست دی۔ 35سنگلز کے پہلے رائونڈ میں اسد علی بھگت نے سلمان مانیہ کو سخت مقابلے کے بعد 6-1,6-0سے شکست دی۔45ڈبلز کے پہلے رائونڈ میں شاہد اور طیب نے محمد التفات اور جاوید کو 6-3,6-3سے ہرایا۔ کریم گل آغا اور اظہر الدین نے کرنل خالد اور کرنل ولی کو 6-3,6-3سے، طارق جان اللہ والا اور رونی دوباش کے خلاف سعید احمد اور ذوالفقار واک اوور مل گیا۔
فرمان الہی
نماز کے اوقات
