فرمان الہی
نماز کے اوقات
فیصل آباد،لاہور(نمائندہ جنگ،خصوصی نمائندہ)سابق وزیرمملکت چوہدری عابدشیرعلی کی اہلیہ گزشتہ روز حرکت قلب بند ہو جانے سے انتقال کر گئیں۔واضح رہے کہ چوہدری عابد شیر علی گزشتہ دو سال سے زائد عرصے سے برطانیہ میں مقیم تھے جبکہ ان کی اہلیہ اور چار بیٹیاں پاکستان میں ہی موجود تھیں۔ اہلیہ کے انتقال پر عابد شیرعلی نے فوری پاکستان واپسی کی کوششیں شروع کر دی ہیں اور ان کی آمد کے بعد ان کی اہلیہ کی آخری رسومات اداکی جائیں گی۔ صدر و قائد حزب اختلاف محمد شہباز شریف،مسلم لیگ (ن)پنجاب کے صدرراناثنااللہ خاں،میاں عبدالمنان،چوہدری شفیق احمدگجر،چوہدری حبیب احمدگجر،راناعلی عباس خاں،چوہدری فقیرحسین ڈوگر،حاجی اکرم انصاری، اسرار احمد منے خان اور حاجی شیخ ذوالفقاراحمدنے چوہدری عابد شیر علی کی اہلیہ کے انتقال پر گہرے رنج وغم کو اظہار کیا ہے۔ انہوں نے کہا کہ وہ چوہدری شیرعلی خاندان کے غم میں برابرکے شریک ہیں ۔
