فرمان الہی
نماز کے اوقات
پشاور میں شیخ محمدی کے رہائشیوں کی جانب سے بجلی لوڈشیڈنگ کے خلاف کوہاٹ روڈ پر احتجاجی مظاہرہ کیا جارہا ہے۔
مظاہرین نے سیفین چوک کے قریب کوہاٹ روڈ کو ٹریفک کے لیے بند کردیا جبکہ نواحی پشاور کے علاقہ شاہ عالم کے رہائشی بھی بجلی کی لوڈشیڈنگ کے خلاف احتجاجی مظاہرہ کررہے ہیں۔
بجلی کی لوڈشیڈنگ کے خلاف احتجاج کرنے والے مظاہرین نے چارسدہ روڈ پر شاہ عالم پل کے قریب ٹریفک بند کردیا۔
اس حوالے سے ترجمان ٹرانس پشاور نے بتایا کہ چارسدہ روڈ پر احتجاج کے باعث بی آرٹی کی فیڈر روٹ سروس عارضی معطل ہے۔
اُنہوں نے کہا کہ احتجاج ختم ہونے پر چارسدہ روڈ پر بی آر ٹی سروس بحال کردی جائے گی۔
دوسری جانب مظاہرین کا کہنا ہے کہ بجلی کی لوڈ شیڈنگ کے خلاف احتجاج کرنے پر مجبور ہوئے ہیں۔
