فرمان الہی
نماز کے اوقات
اولمپک گیمز میں قومی دستے سے توقعات کے حوالے سے پاکستان اولمپک ایسوسی ایشن کے صدر لیفٹیننٹ جنرل ریٹائرڈ سید عارف حسن کا کہنا ہے کہ اولمپکس میں اپنی قوم کی نمائندگی کرنا ایک بڑے اعزاز کا لمحہ ہے ٹوکیو اولمپکس میں مجھ سمیت ہر پاکستانی اپنے ایتھلیٹس سے عمدہ کارکردگی کا خواہاں ہے پاکستان کواولمپک گیمز میں میڈلز جیتے ہوئے تقریبا تین دہائیاں گزر گئیں ہیں۔
آخری بار 1992 میں بارسلونا اولمپک میں شہباز احمد کی سربراہی میں پاکستان ہاکی ٹیم نے کانسی کا تمغہ جیتا تھا اولمپک گیمز کیلئے منتخب ہونے والے کھلاڑیوں کو مبارکباد دیتے ہوئے پی او اے کے صدر عارف حسن کاکہنا تھا کہ اولمپک کوالیفائر میں ہمارے کھلاڑیوں نے اپنی صلاحیتوں کو ثابت کیا یہ ان کے عزم اور محنت کا نتیجہ ہے کہ دنیا کے سب سے بڑے اسپورٹس ایونٹ میں شرکت کا اعزازحاصل کررہے ہیں جاپانی قوم کو ٹوکیو اولمپک کی میزبانی کے یادگار اور تاریخی موقع پر مبارکباد پیش کرتا ہوں۔
