• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جاسوسی سے متعلق رپورٹ پر شدید تحفظات ہیں، فواد چوہدری

تازہ ترین
قومی خبریں
19 جولائی ، 2021
جاسوسی سے متعلق رپورٹ پر شدید تحفظات ہیں، فواد چوہدری

وفاقی وزیر اطلاعات و نشریات فواد چوہدری نے کہا ہے کہ برطانوی اخبار میں شائع ہونے والی جاسوسی سے متعلق رپورٹ پر شدید تحفظات ہیں۔ 

خیال رہے کہ غیر ملکی اخبار نے اپنی رپورٹ میں دعویٰ کیا تھا کہ بھارت نے اسرائیلی سافٹ ویئر پیگسس کی مدد سے فونز کو ہیک کیا تھا۔

وزیراعظم عمران خان اور ان کی کابینہ کے فون کی ہیکنگ کا انکشاف

ذرائع کا کہنا ہے کہ بھارت اسرائیلی کمپنی کے ذریعے وزیراعظم اور کابینہ ارکان کے فون کالز اور میسج ریکارڈ کرنے کی کوشش کرتا رہا۔

میڈیا رپورٹس میں بتایا گیا تھا کہ اس میں وزیراعظم عمران خان اور مختلف ممالک کے سربراہان سمیت تقریباً 50 ہزار سے زائد لوگوں کا فون نمبر شامل ہے۔

موبائل فون ہیکنگ پر ردِ عمل دیتے ہوئے فواد چوہدری کا کہنا تھا کہ برطانوی اخبار میں جاسوسی سے متعلق رپورٹ پر شدید تحفظات ہیں۔

انھوں نے کہا کہ بھارتی حکومت نے جاسوسی کے لیے اسرائیلی سافٹ ویئر استعمال کیا۔

ببھارت کی جاسوسی کا معاملہ: پاکستان میں اعلیٰ سول و عسکری قیادت کی بیٹھک

ذرائع کا یہ بھی کہنا تھا کہ بھارت کی جاسوسی پر لائحہ عمل طے کیا جارہا ہے۔

ان کا کہنا تھا کہ اسرائیلی سافٹ ویئر صحافیوں اور سیاستدانوں کے خلاف استعمال کیا گیا۔

فواد چوہدری نے کہا کہ مودی حکومت کی غیر اخلاقی پالیسیوں نے بھارت اور خطے کو خطرے میں ڈال دیا ہے۔

تازہ ترین