• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاڈ پیار سے مانوس ہوئے تو قربانی کا وقت آگیا


بچوں کے لاڈ پیار سے ابھی مانوس ہی ہوئے تھے کہ جانوروں کی قربانی کا وقت آگیا۔ جانوروں کی قربانی سے پہلے بچوں کی بے قراری بڑھ گئی ہے۔

بچے کھِلا، پِلا اور ٹہلا کر بھی جانوروں سے ہٹنے کو تیار نہیں ہیں۔

قصاب آج وی وی آئی پی بن گئے ہیں مرضی کے دام پر بھی نخرے دکھانے لگے۔ جبکہ عید الاضحی کا پہلا دن قریب آتے ہی چاقو، چھری اور بغدے کا کاروبار بھی چمک اٹھا ہے۔

دوسری جانب عید قربان سے پہلے جانور کی خریداری کا فائنل راونڈ زوروں پر ہے۔ قربانی کے 2 دانت کی بچھیا اور تگڑا بکرا ڈھونڈے کا وقت اب نہ رہا۔

اچھی قیمت پر من پسند جانوروں ڈھونڈنا لوگوں کے چیلنج بن گیا ہے جبکہ منڈیوں میں خریداروں کے رش کے باعث بیوپاریوں کا مزاج بھی بلند ہوگیا۔

بارش سے دام گھٹنے کی خریداروں کی جو امیدیں تھی وہ بھی پوری نہ ہوسکیں۔

وفاقی وزیر داخلہ شیخ رشید بھاؤ تاؤ کرکے اسلام آباد کی مویشی منڈی سے 3 اونٹ خرید لائے ہیں۔

قومی خبریں سے مزید