فرمان الہی
نماز کے اوقات
کراچی (نیوز ڈیسک) چین میں باسکٹ بال کھیلنے والی 14 سالہ لڑکی زہانگ زیو نے نہ صرف اپنے ملک بلکہ دنیا بھر کے سوشل میڈیا پر دھوم مچادی ہے، 14 سالہ زہانگ کا قد 7 فٹ اور 5 انچ ہے اور سوشل میڈیا پر ان کی فوٹیج سامنے آنے کے بعد انہیں بے حد سراہا جارہا ہے۔ فوٹیج میں شانگ ڈونگ صوبے سے تعلق رکھنے والی زہانگ اپنے مخالف کھلاڑیوں کے مقابلے میں اپنے دراز قد کی وجہ سے سب سے نمایاں نظر آرہی ہیں۔ مقامی میڈیا کے مطابق زہانگ کے والدین دونوں ہی پیشہ ور باسکٹ بال کھلاڑی ہیں جبکہ ان کی والدہ یو ینگ چین کی قومی ٹیم کی رکن بھی ہیں۔ زہانگ کا موازنہ چین کے باسکٹ بال لیجنڈ یاو منگ سے کیا جارہا ہے جن کا قد 7 فٹ اور 6 انچ تھا۔
